На почеток...

Среќна и успешна нова учебна година
на сите ученици од нашето убаво училиштe!

И конечно она што долго го чекавме!
Кабинет по информатика со компјутер за секој ученик.

Како резултат на донацијата од владата на РМакедонија, преку иницијативата Компјутер за секое дете, во нашето училиште се опремија дел од предметните кабинети со нова компјутерска опрема. Техничката инфраструктура вклучува:

• Работни станици наречени Тенки клиенти поврзани во мрежа и со Интернет пристап;
• лаптоп компјутери за одделенската настава.

На овие компјутери е инсталиран оперативниот систем Едубунту, а сите апликации се локализирани на македонски јазик.

Иако се разбира дека е очекувано да на почетокот да имате недоверба во работата во овој оперативен систем, нетреба да се грижите. Сличноста во работата во Edubuntu и Windows е голема и вие набрзо ќе се навикнете да го користите се разбира со моја помош и со помош на останатите наставници во училиштето.

Ви посакувам успех и добри оценки, а тоа ќе го постигнете само ако учите, ги почитувате и слушате наставниците, ги почитувате училишните правила и ја чувате училишната опрема. Бидете упорни и тогаш сигурно успехот нема да изостане.